Ἀσκὸς ἐν πάχνῃ
a wineskin in a frost
Translated by Jennifer Benedict30 Mar 2002Vetting: high15 revisions
a wineskin in a frost
Translated by Jennifer Benedict30 Mar 2002Vetting: high15 revisions
Ἀσκὸς ἐν πάχνῃ· ὁ Δαβὶδ λέγει, ὅτι ἐγενήθην ὡς ἀσκὸς ἐν πάχνῃ. ὁ ἀσκὸς θερμαινόμενος χαυνοῦται καὶ φυσώμενος ἐξογκοῦται, ἐν δὲ τῇ πάχνῃ σκληρύνεται καὶ πήγνυται. οὕτω καὶ τοῦ σώματος ἡ φύσις χαυνοῦται μὲν τῇ τρυφῇ καὶ ἐξογκοῦται, τῇ δὲ ἀσκητικῇ ἀγωγῇ ταπεινοῦται καῖ πιέζεται. καὶ τούτου μάρτυς ὁ Παῦλος βοῶν· ἀλλ' ὑποπιέζω μου τὸ σῶμα καὶ δουλαγωγῶ, μή πως ἄλλοις κηρύξας αὐτὸς ἀδόκιμος γένωμαι. τοιγάρτοι καὶ ὁ προφήτης, ἐπειδὴ διωκόμενος ὑπὸ τοῦ Σαοὺλ κρείττων ἦν τῶν παθῶν, εἰρήνης δὲ ἀπολαύσας τοῖς ἀπὸ τῆς τρυφῆς ἐβλάβη σκιρτήμασι, ταπεινώσας τὸ σῶμα τῶν θείων νόμων τὴν μνήμην ἀνενεώσατο. καὶ Ἀσκὸς Κτησιφῶντος· Ἀριστοφάνης· κατὰ τὰ πάτρια τοὺς χοὰς πίνειν ὑπὸ τῆς σάλπιγγος· ὃς δ' ἂν ἐκπίῃ πρώτιστος, ἀσκὸν Κτησιφῶντος λήψεται. ἐν γὰρ ταῖς Χοαῖς ἀγὼν ἦν περὶ τοῦ ἐκπιεῖν πρῶτόν τινα χοᾶ, καὶ ὁ νικῶν ἐστέφετο φυλλίνῳ στεφάνῳ καὶ ἀσκὸν οἴνου ἐλάμβανε. πρὸς σάλπιγγας δὲ ἔπινον. ὁ δὲ Κτησιφῶν ὡς παχὺς καὶ προγάστωρ ἐσκώπτετο. ἐτίθετο δὲ ἀσκὸς πεφυσημένος ἐν τῇ τῶν Χοῶν ἑορτῇ, ἐφ' οὗ τοὺς πίνοντας πρὸς ἀγῶνας ἑστάναι, τὸν προπιόντα δὲ ὡς νικήσαντα λαμβάνειν ἀσκόν. ἔπινον δὲ μέτρον τι οἷον χοᾶ. καὶ Ἀσκοφορεῖν. ἐν ταῖς Διονυσιακαῖς πομπαῖς, τὰ μὲν ὑπὸ τῶν ἀστῶν ἐπράττετο, τὰ δὲ τοῖς μετοίκοις ποιεῖν ὑπὸ τῶν νομοθετησάντων προσετέτακτο. οἱ μὲν οὖν μέτοικοι χιτῶνας ἐνεδύοντο χρῶμα ἔχοντας φοινικοῦν καὶ σκάφος ἔφερον· ὅθεν σκαφηφόροι προσηγορεύοντο. οἱ δὲ ἀστοὶ ἐσθῆτα εἶχον, ἣν ἐβούλοντο, καὶ ἀσκοὺς ἐπ' ὤμων ἔφερον· ὅθεν ἀσκοφόροι ἐκαλοῦντο. καὶ παροιμία· Ἀσκῷ μορμολύττεσθαι, ἐπὶ τῶν εἰκῆ καὶ διακενῆς δεδιττομένων. καὶ Ἀσκωλίαζον· ἑορτὴν οἱ Ἀθηναῖοι ἦγον τὰ Σκώλια, ἐν ᾗ ἥλλοντο τοῖς ἀσκοῖς εἰς τιμὴν τοῦ Διονύσου. δοκεῖ δὲ ἐχθρὸν εἶναι τῇ ἀμπέλῳ τὸ ζῷον. ἀμέλει γοῦν καὶ ἐπίγραμμα φαίνεται πρὸς τὴν αἶγα οὕτως ἔχον· κἤν με φάγῃς ἐπὶ ῥίζαν, ὅμως δ' ἔτι καρποφορήσω, ὅσσον ἐπιλεῖψαι σοὶ, τράγε, θυομένῳ. Ἀσκωλίαζε δὲ ἀντὶ τοῦ ἅλλου· κυρίως ἀσκωλιάζειν ἔλεγον τὸ ἐπὶ τῶν ἀσκῶν ἅλλεσθαι ἕνεκα τοῦ γελωτοποιεῖν. ἐν μέσῳ δὲ τοῦ θεάτρου ἐτίθεντο ἀσκοὺς πεφυσημένους καὶ ἀληλιμμένους, εἰς οὓς ἐναλλόμενοι ὠλίσθαινον· καθάπερ Εὔβουλος ἐν Δαμαλίᾳ φησὶν οὕτως· καὶ πρός γε τούτοις ἀσκὸν ἐς μέσον καταθέντες ἐνάλλεσθε καὶ καγχάζετε ἐπὶ τοῖς καταρρέουσιν ἀπὸ κελεύσματος. καὶ Ἀσκωλιάζοντες, ἐφ' ἑνὸς ποδὸς ἐφαλλόμενοι, ὑστερούμενοι τῶν κατὰ φύσιν. ὃ δὲ ἐμοὶ δοκεῖν, ὁρμῇ τῇ παρὰ τοῦ Ἀσκληπιοῦ ἐς τὸν δεσπότην ἀσκωλιάζων θάτερον τῶν ποδῶν ἔρχεται, καὶ ὄρθριον ᾀδομένου τοῦ παιᾶνος τῷ Ἀσκληπιῷ ἑαυτὸν ἀποφαίνει τῶν χορευτῶν, ἕνα καὶ ἐν τάξει στὰς ὥσπερ οὖν παρά τινος λαβὼν χοροδέκτου τὴν στάσιν, ὡς οἷός τε ἦν συνᾴδειν ἐπειρᾶτο τῷ ὀρνιθείῳ μέλει. καὶ Ἀσκωλιασμὸς ὁμοίως, τὸ ἐφ' ἑνὸς ποδὸς βαίνειν. ὅτι οἱ ἀσκοὶ ἁλσὶ σμηχόμενοι βελτίονες γίνονται.
*)asko\s e)n pa/xnh|: o( *dabi\d le/gei, o(/ti e)genh/qhn w(s a)sko\s e)n pa/xnh|. o( a)sko\s qermaino/menos xaunou=tai kai\ fusw/menos e)cogkou=tai, e)n de\ th=| pa/xnh| sklhru/netai kai\ ph/gnutai. ou(/tw kai\ tou= sw/matos h( fu/sis xaunou=tai me\n th=| trufh=| kai\ e)cogkou=tai, th=| de\ a)skhtikh=| a)gwgh=| tapeinou=tai kai= pie/zetai. kai\ tou/tou ma/rtus o( *pau=los bow=n: a)ll' u(popie/zw mou to\ sw=ma kai\ doulagwgw=, mh/ pws a)/llois khru/cas au)to\s a)do/kimos ge/nwmai. toiga/rtoi kai\ o( profh/ths, e)peidh\ diwko/menos u(po\ tou= *saou\l krei/ttwn h)=n tw=n paqw=n, ei)rh/nhs de\ a)polau/sas toi=s a)po\ th=s trufh=s e)bla/bh skirth/masi, tapeinw/sas to\ sw=ma tw=n qei/wn no/mwn th\n mnh/mhn a)nenew/sato. kai\ *)asko\s *kthsifw=ntos: *)aristofa/nhs: kata\ ta\ pa/tria tou\s xoa\s pi/nein u(po\ th=s sa/lpiggos: o(\s d' a)\n e)kpi/h| prw/tistos, a)sko\n *kthsifw=ntos lh/yetai. e)n ga\r tai=s *xoai=s a)gw\n h)=n peri\ tou= e)kpiei=n prw=to/n tina xoa=, kai\ o( nikw=n e)ste/feto fulli/nw| stefa/nw| kai\ a)sko\n oi)/nou e)la/mbane. pro\s sa/lpiggas de\ e)/pinon. o( de\ *kthsifw=n w(s paxu\s kai\ proga/stwr e)skw/pteto. e)ti/qeto de\ a)sko\s pefushme/nos e)n th=| tw=n *xow=n e(orth=|, e)f' ou(= tou\s pi/nontas pro\s a)gw=nas e(sta/nai, to\n propio/nta de\ w(s nikh/santa lamba/nein a)sko/n. e)/pinon de\ me/tron ti oi(=on xoa=. kai\ *)askoforei=n. e)n tai=s *dionusiakai=s pompai=s, ta\ me\n u(po\ tw=n a)stw=n e)pra/tteto, ta\ de\ toi=s metoi/kois poiei=n u(po\ tw=n nomoqethsa/ntwn prosete/takto. oi( me\n ou)=n me/toikoi xitw=nas e)nedu/onto xrw=ma e)/xontas foinikou=n kai\ ska/fos e)/feron: o(/qen skafhfo/roi proshgoreu/onto. oi( de\ a)stoi\ e)sqh=ta ei)=xon, h(\n e)bou/lonto, kai\ a)skou\s e)p' w)/mwn e)/feron: o(/qen a)skofo/roi e)kalou=nto. kai\ paroimi/a: *)askw=| mormolu/ttesqai, e)pi\ tw=n ei)kh= kai\ diakenh=s dedittome/nwn. kai\ *)askwli/azon: e(orth\n oi( *)aqhnai=oi h)=gon ta\ *skw/lia, e)n h(=| h(/llonto toi=s a)skoi=s ei)s timh\n tou= *dionu/sou. dokei= de\ e)xqro\n ei)=nai th=| a)mpe/lw| to\ zw=|on. a)me/lei gou=n kai\ e)pi/gramma fai/netai pro\s th\n ai)=ga ou(/tws e)/xon: kh)/n me fa/gh|s e)pi\ r(i/zan, o(/mws d' e)/ti karpoforh/sw, o(/sson e)pilei=yai soi\, tra/ge, quome/nw|. *)askwli/aze de\ a)nti\ tou= a(/llou: kuri/ws a)skwlia/zein e)/legon to\ e)pi\ tw=n a)skw=n a(/llesqai e(/neka tou= gelwtopoiei=n. e)n me/sw| de\ tou= qea/trou e)ti/qento a)skou\s pefushme/nous kai\ a)lhlimme/nous, ei)s ou(\s e)nallo/menoi w)li/sqainon: kaqa/per *eu)/boulos e)n *damali/a| fhsi\n ou(/tws: kai\ pro/s ge tou/tois a)sko\n e)s me/son kataqe/ntes e)na/llesqe kai\ kagxa/zete e)pi\ toi=s katarre/ousin a)po\ keleu/smatos. kai\ *)askwlia/zontes, e)f' e(no\s podo\s e)fallo/menoi, u(sterou/menoi tw=n kata\ fu/sin. o(\ de\ e)moi\ dokei=n, o(rmh=| th=| para\ tou= *)asklhpiou= e)s to\n despo/thn a)skwlia/zwn qa/teron tw=n podw=n e)/rxetai, kai\ o)/rqrion a)|dome/nou tou= paia=nos tw=| *)asklhpiw=| e(auto\n a)pofai/nei tw=n xoreutw=n, e(/na kai\ e)n ta/cei sta\s w(/sper ou)=n para/ tinos labw\n xorode/ktou th\n sta/sin, w(s oi(=o/s te h)=n suna/|dein e)peira=to tw=| o)rniqei/w| me/lei. kai\ *)askwliasmo\s o(moi/ws, to\ e)f' e(no\s podo\s bai/nein. o(/ti oi( a)skoi\ a(lsi\ smhxo/menoi belti/ones gi/nontai.